صحيفة صدى الاحداث السودانية


المقالات
سوداني اصيل - ادم سوني علي
الزول السوداني وما احلي الزولي:
الزول السوداني وما احلي الزولي:
15 أكتوبر 2015 13:39

في مجتمعنا نطلقها وكأنها لاتعني شيئا مع ان كلمة زول وزولة هوية لنا نحن السودانيين بمختلف قبائلنا واحزابنا واماكننا . كلمة تعبر عن ذاتنا و عن عاداتنا وتقاليدنا وتربيتنا ومدي تفردنا وتميزنا عن غيرنا.

بمجرد ان تغادر السودان الي اي دولة عربية وبالاخص دول الخليج فكل الجنسيات تعرف من هو الزول وبل اسم يطلق لكل سوداني مصحوبة ب ااااي، حتي في الدول الاخري معروف الزول السوداني مسالم ومحب لغيره وبعيد عن الاجرام ويتعايش مع الكل.
الفضل لله فقد استطاع اجدادنا وابائنا الذين اغتربوا في ان يبنوا صورة ذهنية طيبة عن السودان وعن شعبه .
فقد عرف السوداني بالامانة ، الثقة ،الشهامة والكرم ، الابتسامة الدائمة وعدم اذلال النفس من اجل الرزق وعدم سؤال الناس لياكل او يشرب ولا حتي الوشاية ضد زملاء العمل او مهانة النفس للتقرب من مدير والخوف منه باستصغار النفس واثق من نفسة ولايخشي الا الله ولا يتنازل عن كرامته وعزة نفسة.

فنتيجة لتلك الصورة الذهنية الطيبة اينما تتجه يقابلك الناس بمختلف جنسياتهم بكل احترام اتفضل يازول وداير شنو يازول .. ياسلااااام والله انت يازول بتذكرني بي واحد سوداني كان يعمل معي او قابلته بالدراسة كان قمة الورع ،الخلق والامانة .. وذلك لايتوقف فقط علي الرجال بل حتي السودانيات او الزولات فقد عرفن بنفس القيم وتفاني العمل ، هذا كله لايعني انه لاتوجد حالات شاذه الا ان السيئين مننا مقياسا بغيرنا فهم احسن وقلة فينا ولا مقارنة فالخيرين والخلوقين اكثر وغالبية.

ان (الزولنة) سبب كبير للافتخار بالوطن وزيادة الترابط وحب الوطن للحفاظ علي الارث والاصالة للشعب السوداني فهي مسئولية كما يقال: ليس صعبا ان تصل القمة ولكن البقاء في القمة.
فدعوة لكل سوداني لان يحافظ علي تلك الاصالة اين ماحل وكان بغض النظر عن الساسة والسياسة في ان نبقي علي تلك الاصالة .
كل منا سفير للاخر فحري ان يمثل كل شخص اخاه خير تمثيل مهما كلف الامر .
فاصالتنا لاتحتمل الاساءة اليها ... ارفع رأسك فوق انت سوداني.. كيف يكون الحال لو ما كنت سوداني.. انا السودان شموخ وحضارة.

تعليقات 1 | إهداء 0 | زيارات 604



تعليقات الفيس بوك

خدمات المحتوى


التعليقات
#82 [شوننتود]
1.50/5 (7 صوت)

1 يونيو 2016 09:01
الزول معروف في دول الخليج بالامانه وعزة النفس وهم يعملو ا الف حساب للسوداني ...

[شوننتود]

*ادم سوني
*ادم سوني

تقييم
7.60/10 (9 صوت)